 |
Una raccolta delle poesie dialettali di Gian Mario Mariani è stata pubblicata negli anni '70.
Di seguito uno dei testi tra i più cari all'autore.
Al pescaduur vecc
Matina prest...
ansi l'è nocc!
Giù indàl curtiil sa sent a tramescà
L'è gent cà sa invia andà a pescà .......
Al vecc al sàlta su a sbignà dala fesura.
...te vist Maria, ghè adree anca al nost bagaj
Tut sò pà se al vegn su inscì, sperem cal dura.
La miee l'è amò ben culugada
da luntan sa sent fischià al tranvày
L'è prest, ma lu ecitaa al voer fa una ciciarada.
Matina prést, ... ansi da nocc ...
Ta sa regòrdat Maria? tuevi su al' cestin e la caneta
e andavi fin a Casan in bicicleta.
Alura si che l'era un'aventura!
sent!, la machina la va ...
adess andà fin la al'è men dura.
Maria!?... ma guarda, mi parli e le la dorma ...
e va ben ... turni a durmì anca mi.
Cunt'una punta da magùn al sa invisura
e al sogna al cavesaal ca la ciapaa
e che da an in an per lu aumenta da misura ...
e quel'alter gros che rut al criin al ghe scapaa ...
Al troef sudisfasiun vidè in dal sogn al so bisciùn partì
un culp a la cana ... l'è gross ...
l'è un barb da quei mai vist!
Al pescaduur vecc, adess al dorma.
|
|
